إكتب ؛ زعق ؛ أصرخ
أنقد ؛ هاجم ؛ إطرح
إكشف ؛ بدد ؛ إفضح
يمكن قلمك يطرح
نور و الناس تتنور
خير و الناس بتفكر
إن الحلم إن ضاع
إية راح تخسر أكتر
صنفر مخ مسنكر
إكشف شخص منكر
تقدر ولا ما تقدر
إية راح تخسر أكتر
تكسب ولا ما تكسب
لازم قلمك يكتب
لازم خيرك يغلب
لازم قلبك يكبر
أوعى الغل يسودك
إجمد نشف عودك
خلى الكلمة تقودك
لطريق عدل منور
دور ؛ طور ؛ صور
نثرك ؛ شعرك ؛ مخك
زلزل ؛ إلهب ؛ عمٌر
تكشف عدل مزور
ينزف قلمك حبر
ينزف صاحبك دم
يقطم ضهرك قهر
إكتب إكتب حرٌر
حرر ؛ إشفى ؛ جبٌر
كل أديب متكسٌر
كل أديب مقتول
انشر أدبة أكتر
يبقى الحلم حقيقة
تنقذ طفلة غريقة
قصدى فكرة جريئة
جوة عالم متحجر
